نوحه ای که فوق العاده حماسی و عاشقانه هست و توسط اقای طالع باکویی اجرا شده که از ثانیه 45 به اوج نوحه میرسیم. پیشنهاد می کنم این نوحه را با هندزفری و با صدای بلند گوش بدید.
نوحه حضرت عباس
متن کامل نوحه
چو آت سالدی فرات اوسته علینون غضب اوغلی
سالوب ولوله آفاقه او عالی نصب اوغلی
چکوب تیغ شرر بار ،دوشوب لرزیه کفار
دگوب بیر بیره اشرار ،چه تیپ و چه علمدار
یتوب تا صف اعدایه ابوالفضل وفادار
او سرچشمه ایثار،آچوب نطق گهربار
بویوردی او زمان ،گوش ائدون ای لشکر خونخوار و
جفاکار و ستمکار ،منم حضرت عباس ،منم حضرت عباس….
منم صاحب صولت ،منم شیر شجاعت
منم معدن غیرت ،منم منبع عصمت
منم مهر نبوت ،منم باب کرامت
منم کان فصاحت و بلاغت و کرامت
منم سایه رحمت ،منم درّ حقیقت
منم ناصر نصرت ،منم مرد شریعت
منم پیر طریقت ،ایا فرقه خنّاس
منم حضرت عباس ،منم حضرت عباسروادور آخا دریا؟ یانا عترت طاها؟
سولا گلشن زهرا؟ منیم غیرتیم اما
قبول ایلمز اصلا ،اگر سرور بطها
وئره رخصت دعوا ،ائدم محشری برپا
سالام لشگره غوغا،دولا قانیله صحرا
ایا زمره نسناس ،منم حضرت عباس
منم حضرت عباس ،منم حضرت عباس….یتوردی رجزین آخره اول حیدر ثانی
چکوب باشه سپر سالدی هراسه او زمان اهل جفانی
چکوب غیظیله تیغ دو زبانی
ائدوب خیره اونون شعشعه سی چشم زمانی
دوتوب لرزه اودم ارض و سمانی
هامی دشت و بلانی ،او تیغین جریانی
اونون تیغه سی فولاد ،مگر دسته سی الماس
منم حضرت عباس ،منم حضرت عباس…او شیرین حرکاتی ،مکرر حملاتی،
ثنا و صلواتی،دوتوب دشت و فلاتی
دلاورلره مسدود ائلدی راه نجاتی
آلوب نهر فراتی ،سوویندیردی بناتی
تاپوب تازه حیاتی،
دئدی قلبوزی ای قوم ،دوتوب کینه و وسواس،
منم حضرت عباس ،منم حضرت عباسسکینه او زمان وئردی خبر آل عبایه
چاغوردی هامی اطفالی ییغوب خیمه سرایه
گوتوردی بالاجا اللرینی سمت سمایه
دلین آچدی دعایه ،ائدوب عرض خدایه
الهی سن اوزون ایله کملکلیق عموم اول کان وفایه
اونا بنده دی الیاس ،عزیز شرف الناس
منم حضرت عباس ،منم حضرت عباستماشایه چیخوب گویده ملائک او رشاداته ،شجاعاته
نظر سالدیلا،ذکر ائتدیله انّا فتحنا لک فتحا مبینا
نظر سالدی چو جبریل ،ابوالفضلین اوزون قولارینا
با دل سوزان ،دئدی شصتیوه قربان
وئریلدی اسداللهه خبر یاعلی گل
کرب و بلا دشتینه بیر ایله تماشا ،ائدیر گور نجه دعوا
ویروب بیر بیرینه میمنه نی ، میسره نی ضیغم هیجا
ائدوب مشکی لبالب ،آتوب چگنینه سقا
چیخوب نهردن عباس ،ائدوب قصد خیامی
پراکنده ائدوبدی سپه کوفه و شامی
سالوب آت دوشونه گلّه روباه کیمی قوم لئامی
ائدوب حکم عمر سعدیله دوردمین اوخ آتان جمله تمامی
یاغیش تک او زمان توکدوله پیکان و حسامی
اونون حالتی دلگیر ائلیوب خیمه قباقینده امامی
یتیشدی او زمان گوردی ،دیور نیزه لر آلتیندا او حسّاس
منم حضرت عباس ،منم حضرت عباسگوروب گورمیه گوزلر ،دوشوب بیر یانا اللر
یاتوب پرچم اسلام ،گلوب جرأته لشگر
دوشوب یئرده او پیکر ،یاغور نیزه و خنجر
بویوردی او زمان إن کَسَر ظهری او سرور
نظر ائتگله بو #شاکریوه ای شه محشر
یتیش دادیمه شاها قورولان وقتیده مقیاس
منم حضرت عباس ،منم حضرت عباس
اولین نفر باشید دیدگاهی ثبت میکند